Nacuculu besoek

Die paadjie na Nacuculu

Ons kamp by Nacuculu

Die eerste indruk is dat daar sterk leierskap is wat op eie kerk verstaan funksioneer. Om by IRM in te skakel gaan 'n tydjie vat. Een man is ds alhoewel hy nie opleiding het nie. 

Hier is byeen 4 verskillende kerkies en ookleiers van 4 verskillende denominasies. "Hervormde Baptiste" en sulke vreemde name. Onder almal is hier 'n sterk ontvanklike gesindheid. 

In die ds se inleiding word Jakob se worsteling met God op ons toegepas. Hulle gaan ons nie los voordat ons hulle seën nie. 

Die middag wat ons hier aanland word ek uit die bloute gevra om 'n uur aanbieding te doen. Jesaja se roeping is gebruik om perspektief op kerk wees te plaas. Op die grond val, aangeraak word met kool vuur en dan wie sal ek stuur! 

Tydens die oggend byeenkoms van 8 tot 12 behandel Giepie Jakobus 4:1-7, maar in die interaksie, wat hy uitstekend reg kry, draai die gesprek oor Jesus wat lig en Lewe is. 'n vrou erken dat hulle baie baklei met mekaar. 

Namiddag word sokker gespeel. Giepie en Dirk was doel wagters. More oggend gaan ek praat oor hoe 'n gemeente God se wil soek en hoe om besluite te neem daarvolgens, veral as daar verskille is. Hoe om in gebed te worstel vir Sy leiding. Hoe om te strewe om eie wil ondergeskik te maak daaraan. Wil graag die Skeba broers as voorbeeld gebruik waar hulle soos Paulus duiwels wou uitdryf. Die duiwels ken Jesus en ken Paulus, maar julle, wie is julle? 

Die grond voel vrugbaar en ons bly bid om die wonderlike geleenthede uit afhanklikheid van God, goed te gebruik. 

2023-07-02 Nampula erediens en toerusting

Giepie praat en Danie tolk

Erediens

Tydens gebed sessie

Ons kan sien dat hier baie werk gedoen is vandat Ds Samuel hier begin het. Hier is 'n hele paar nuwe lidmate en ook meer leierskap. 

Giepie het op 'n baie praktiese manier die gemeente gelei om self uit die Bybel te ontdek dat om te gee beter is as om te gaan ontvang. Dat mens deur te gee in God se wil is en self vry word ten spyte van uitdagings. Die ontvang en gedien word ingesteldheid hou ons in die duisternis en maak op die ou end die lewe  dood.

Lewe wat begin deur Jesus wat gee. 

Die erediens en middag opleiding is baie daarvan ontdek. Dirk sê dat dit die wonderlikste ding was wat hy nog in sy hele lewe gesien het. Die drie Mosambiek dominees was diep dankbaar en hulle reaksie gee my die meeste vreugde. Die lidmate se gesigte het vertel van diep luister en deelname. In die gebed geleentheid bid baie mense en wat veral uitstaan is dat vrouens bid. 

Ons sluit die dag af net groot dankbaarheid vir die tekens wat ons sien. 

Vandag koop ons Bybels aan en ry na een van die nuwe kerkies in Ribaue area. 

2023-07-07 Nampula ariveer

Die blou lyn moes net 'n entjie verder geteken wees tot Nampula. 

Hier het ons ontbyt gehad langs die pad. 

Die Here roep en bemoedig baie deur wat ons hier hoor in Nampula. Gister in 'n gesprek met ds Samuel en van die mense hier. Word dit duidelik dat van die toerusting wat oor tyd gedoen is werklik grond vat. Die 4 nuwe kerkie se basis word gebou op Johannes 15. Daar word nie geswig voor druk van gemeenskap nie. Die een ouderling is selfs gevange geneem deur hoofmanne omdat hy nie doen wat hulle wil nie. Die Kerk is om Jesus te dien in die eerste plek.

Hierdie vrouens maak vir ons kos vanuit bydraes van die plaaslike lidmate. Mens voel klein daaroor, want dit wys hoeveel groei plaasgevind het. 

In verdere gesprekke hoor ek dat ds Raimundo nou gevlug het vanaf Pebane want die aanpassing was net te moeilik. In gesprekke praat ons oor die realiteit van sy swaarkry en hoe ds Samuel wys daarop deur sy eie stories dat die Here mens dra in teenstand en swaarkry. 

In my begin daar 'n roeping wakker word vir leiers wat op rings vlak bymekaar kom en dat ek vir hulle stories vertel van hoe die Here werk en saam te onderwerp aan die Here se wil en ook so groei in strategie en roeping. Ons kan dit juis in moeilike gemeentes doen en dan saam daar uitreik na gemeenskap.

Dit is iets wat nou in my groei, en waaroor ek nog bid. 

Bid saam vir vandag se erediens en opleiding hier in Nampula. More ry ons na een van die nuwe kerkie vir twee dae en daarna vir twee dae in Ribaue (Cunle) self. Daarna gaan ons vir die naweek na Nacala stad. Dan kom ons volgende Naweek terug na Nampula en die Dinsdag is nog oop voordat Dirk en Giepie Woensdag oggend terug vlieg.

Van daar vra die sinode dat ek sal help om ds Tuvuliua van Nampula te vervoer na Lugela en dan ds Philima van Gile na Nephipi gemeente noord van Milange. Die laaste besoek is om Malema saam met ds João te besoek as opvolg op die twee ouderlinge se sending werk daar. Hulle is met die hulp van Annlin geref kerk opgelei en soontoe gestuur vir 'n maand. Ons sal dan ook moet besluit op volgende opleiding en uitstuur van ouderlinge as sendelinge.

Ten spyte van uitdagings en teleurstellings jubel my hart oor vrug op die werk. Ek sien uit om soveel skatte wat die Here vir my onverdiend gegee het, weer uit te deel binne die konteks van elke plek. 

Bid saam dat ons die Here se wil reg hoor en nie net ons eie kop volg nie.

Pebane Natanje en Mocuba bouwerk

Hier is 'n foto van hoe ek audio bybels so 2-2 oplaai op MP3 players.

In Pebane het ons probeer om 'n verhouding met die Here deur te praat. Dit het ons probeer doen deur die Fariseërs en Sadduseërs se kerkbeeld te verduidelik. Daar is soveel verkeerd verstaan van Kerk hier wat ook by hulle gesien kan word. Geleerdes lief vir die onderhouding van wette en tradisies en ook self die vermoë het om die Here "reg" te dien. Dan aan die ander kant Jesus se benadering van diens nederigheid ens. Die saligsprekinge en vrugte van Gees is gebruik. Daar was 'n verwondering daaroor en ons kon daarop bou om dissipelskap te verduidelik. Ek het dit geniet.

Jesus sê oppas vir die lering of suurdeeg van die Fariseërs en Sadduseërs.

Ek bly bid dat veral die dissipelskap proses en familie wees hulle op 'n verdere pad van groei sal vat. Dit was ook 'n lekker proses om dissipelskap te kan oordra. So krities vir kerk wees.

Hier is ons in die Pebane kerkie

Terug by Mocuba is dit weer bou.

My bank app wil skielik nie die pin vat nie. Dit bring spanning, want dalk is die app gehack!! en eers teen middernag het dit weer begin werk.

Ek kry vanoggend 'n gal aanval en dit put my heeltemal uit.

Ek gaan bank toe met die swak lyf en sien ek gaan ten minste 2 ure in die ry moet sit. Het egter nie 'n keuse nie en sit so halfuur. Skielik kom die bank wag na my toe en sê ek kan op my ouderdom voor in die ry gaan staan.  ha Ha , hy dink ek is oud. Dit het baie gehelp.

Die werk in Natanje gemeente was ook baie geseend en ek kon sien die Here werk. 

Nou is ek weer terug in Milange en more begin ek terug ry.

Hier is so bietjie media:

Videotjie sonder klank van pad na Pebane

Kyk veral na die videotjie op pad na Natanje gemeente. Die klippe het party huise heeltemal plat gevee langs die Tumbine berg.

Hier is my spirits stofie besig om water te kook

Hier is van die kinders in Pebane (Sacane)

Hier is iets van die bouwerk

Hier is die mense tydens vandag se erediens in Natanje

Baie seen vir almal

 

Goeie Sondag in Mosambiek

Ek drink weer Artemesia en dalk was dit deel van die redes hoekom ek goed gevoel het vandag. 

Ek moes seker geraai het dat hulle my gaan vra om te preek, maar het darem 'n halfuur gehad vir voorbereiding wat meestal in gebed ingegaan het.

Ek vra die gemeente uit oor wat hulle ervarings was met die storms. Hulle beskryf en erken toe hulle vrese op meer as een vlak. Eerstens fisies met huise wat ingeval het en bome wat huise kan plat val soos dit omgewaai word ens. Tweedens die vrees van wie die storm gestuur het vanuit die tradisionele denke. 

Ek lees toe hoe die dissipels bang was op die see soveel so dat hulle geskree het. Dan die ommeswaai in Petrus van  vreesbevange na waagmoedig, soveel so dat hy uit die boot klim. 

Ons praat van waar Jesus was in die storm en toe daar besef het hoe Jesus teenwoordig is, almagtig is en omgee. Hoe maak dit ons waagmoedig dat ons selfs met min ander help. Dat ons uit ons sekuriteite kan uitklim en ander se nood begin raaksien. Toe ons oopgooi vir gesprek toe praat hulle vir lank, ook omdat hulle almal erken het hulle was bang en nou kan hulle baie vryer deel met mekaar. Mens sien mos soms in mense se oë as die Here werk. Ek kon dit sien.

In Mocuba moet ek diesel ingooi. Ek sien dat die werkers 'n houding het wat my suspisieus maak. Kyk nou die manier. Eers wil die kaart masjien nie werk. Met die tweede probeerslag wil dit nie print nie en hulle stuur my na binne om daar op die kaart te betaal. Ek is suspisieus maar wat kan ek doen? Op die radio se USB het ek musiek en die lied van Don Fransisco "He's Alive" begin te speel. Ek raak kalm en rus in Hom. Toe sê ek, dat ek gou op my foon gaan kyk, maar ek weet my RSA sim is nie in die foon so ek het nis SMS beskikbaar nie. Ek hoop maar net hulle aanvaar die betaling as hulle probeer het om my te mislei. Ek maak toe maar my bank app oop wetende dat betalings soms paar dae vat om te wys. Die wonderwerk gebeur en die betaling wys duidelik in die naam van die vulstasie. 

Ek wys vir hulle en die man probeer toe uit die ding te kom en sê hy gaan die masjien op die krag sit, dalk wys dit iets. (onthou hy wou my 'n tweede keer laat betaal en dit is R1700). Daar wys die betaling toe en ek vra vir 'n uit print wat ek toe kry. 

Die Here se vir my dat Hy is! Hy sien en gee om. 

Die ander goeie nuus is dat die bakkie heel dag normaal gefunksioneer het oor 'n slegte pad. Ons kon selfs 'n lorrie jump start langs die pad. 

Ek sal sodra ek kan 'n video stuur oor die erediens. Magdane gemeente is mooi aan die groei. 

2023-03-18 dagboek

Ek sit onder die boom in die donker by Mocuba gemeente se kerk gebou terwyl die lorrietjie uit is om stene te gaan laai. Ons begin Maandag om die stoepe te bou en pilare te pleister.

In Milange was dit rustig weens die storms. 'n gesprek met jeugleier was egter baie sinvol. 

Die ander gesprek was met die leier van die geletterdheid projek wat die werk met landbou befonds. Ek was opgewonde daaroor dat hy 'n dissipelskap proses verstaan. Hy is sommer opgewonde daaroor en wil weet of ek dit ook aan die dominees vertel. Hy het dit gekoop. Die gesprek was half onverwags. Ek het 'n ent gaan stap en hom langs die pad gekry. Ons het seker vir 'n uur gekuier. 

Ek het sulke uitstappies juis gedoen om kontak te bou. In 'n ander gesprek het ek by 'n man uitgevra oor die sikloon en wou weet hoe daaroor gedink word. Op 'n stadium vra hy of ek 'n kerk mens is. Ek sê toe ja. Hy vra dit want hy dink nie die sikloon kom van God nie, daar is as ek reg aflei ander magte aan die werk en mense manipuleer dit. Dit is dus 'n sterk tradisionele denkwyse. Wat my opval is dat die denke saam met vrees gaan. Ek wonder hoeveel mense bang is. 

Die kultuur tussen jong mense is baie sterk 'n magspel. As mens so stap dan is sommige jongmense baie uitdagend. As ek egter reageer met gebrokenheid soos ek is nou moeg gedraf, dan is daar skielik 'n ander atmosfeer en word gelag en vuiste gegee om te groet.

Eers gou iets oor die bakkie sage. Dit het skielik krag verloor en enjin liggie het aangegaan. Ek moes met wa met my broer en YouTube fout soek. Skielik geleer van egr en dink nog die ingenieurs maak 'n fout. Hoe kan mens uitlaat gasse weer na die inlaat gelei. In elk geval, die wat meer wil weet is welkom om te vra. Op die ou end is die klep wat dit beheer ontkoppel en die pyp geblok. Niks help nie tot skielik vandag na baie spanning lyk dit tog of dit gehelp het en die enjin is nou weer normaal. 

Die pad terug is op 2 plekke beskadig, maar lyk my kleiner voertuie beweeg al weer. 

More gaan ons erediens doen in Magdane en gesels met leiers. 

Maandag en Dinsdag is bouwerk. 

Woensdag tot seker Vrydag gaan ons na Pebane waar daar ook 'n nuwe ds is. 

Daarvandaan moet ons nog sien. Die sikloon het die besoek baie uniek gemaak, maar ek moet sê, dit maak ook dat baie gesprekke outomaties geloof gesprekke word. 

My lyf voel bietjie af vanaand, so ek drink Artemesia by Bernadette en gaan so gou moontlik slaap. Net gou finansies dokumenteer. 

Stiltetyd Matt 15 Tradisie genade en potensiaal

 Matt 15

Vers 1-9 gaan oor die tradisie teenoor ‘n verhouding of hart. Vereer die Here met lippe terwyl die hart ver van Hom is. Dan is hulle verering tevergeefs.

Dit is dus baie gevaarlik om die Here te vereer sonder dat jou hart naby Hom is. 

Hier kan jy dus die tradisie oortree en steeds ‘n hart vir God hê. 

Jesus wys daarop dat verering twv tradisie wel op die ou end afdwaal van die verhoudings soos God dit bepaal. 

So kan mens dus goeie goed soos die 10 gebooie onderhou met steeds ‘n hart wat ver van God is en dit is dan baie gevaarlik. 

Baie vinnig word ‘n godsdiens met ‘n hart wat ver van God is omgedraai in menslike leerstellinge want die regte basis is nie daar nie. Beskuldigings kom dus nou baie vinnig na vore soos die fariseers wat Jesus en die dissipels aanpraat. Jou manier van doen word jou fondasie vir jou hart, as jou hart nie naby God is nie. 

Die goeie gewoonte om hande te was, word nou die handvatsel vir godsdienstige lewe en dus handvatsel vir Godsdiens en dus Godsdiens self. Al kan mens siek word daarvan, maak dit nie jou onrein voor God as jy reeds rein is in Christus. 

Wat is die fondasie van my hart? Is dit dit wat ek doen of is dit die nabyheid van God deur Christus. Die genade wat ek ontvang het om naby Hom te wees ten spyte van vuil hande. 

Noudat ek naby God is en dit my fondasie is, kan ek wel my hande was voor ek gaan eet en ander ook so leer. Dit is eers genade en dan doen. 

My hart (vir die nuwe testament was jou hart die simbool van jou denke) is sonder God se nabyheid in Christus vol bose eie belang. 

Jy kan nie self jou gedagtes verander nie. “Gee vir my ‘n rein hart o God” ook dat God die hart van klip moet uithaal en ‘n hart van vlees gee. Of as Romeine sê: Laat God julle verander deur julle denke te vernuwe.

Dit gebeur as jou hart naby God is en dit gebeur deur Jesus wat na ons gekom het en die Gees wat later in die Handelinge uitgestort is en in ons kom woon het. Dit verander ons gedagtes. Genade gaan na gedagtes en gedagtes gaan na doen. 

Doen sonder gedagtes en genade bring ons by mooi menslike tradisies wat mooi lyk maar baie vinnig oorgaan in oordeel en dit is misleiding en so mis jy God self. 

Here ek aanvaar weer opnuut die verhouding wat U deur genade in Christus gee. Vergewe my waar ek op dade bou sonder die diep wete in die hart dat U teenwoordigheid deur Christus en die Gees die enigste basis is. Vergewe my oordele oor ander se dade. Vergewe dat ek vashou aan die mooi dinge wat ek doen in my eie lewe.

Die deel wat my aangespreek het was nou juis die volgende stuk oor die kananietiese vrou. Die nie Jood vrou wat om genade smeek. Jesus ignoreer haar en die dissipels wil dat Jesus haar weg stuur. Sy is nie ‘n Jood nie. Jesus verduidelik self dat Hy net gestuur is vir die huis van Israel. 

Sy het aanhou smeek: “Here help my!”

Jesus vergelyk haar met ‘n hondjie en dat die huismense se kos nie vir hondjies gegooi word nie. (onthou dat ‘n hond ‘n onrein dier is). 

Teen ALLE moontlikhede in pleit sy net vir die krummels wat van die tafel afval. 

Nou prys Jesus haar geloof en verhoor haar smeking. 

Die vrou het aanvaar sy is die hondjie en dat sy nie verdien om die kos te kry nie. Sy pleit vir die krummels ter wille van haar dogter. Dit is die realiteit vir haar. Sy is nie ‘n Jood nie en verdien niks.

Dit was die realiteit in die tyd van Jesus voor die kruis! Ek dink nie ons kan dit ontken nie. Onthou Jesus het toe hy die dissipels uitgestuur het hulle ook net gestuur na die Israeliete of Jode. 

Vanuit die oogpunt dink ek ons as nie Jode vandag moet weet dat die genade op ons nog groter was as oor die Jode. Ons verdien nog minder, nie dat enige iemand iets kan verdien nie. Maar ons verdien nog minder as die Jode. Mense… verstaan ons genade?! Dat die kruis ons kinders van Abraham maak! Dat die Heilige Gees op heidene gekom het, waarvan ek een was! Dat iemand soos Paulus deur Jesus self aangestel is na die kruis na die heidene! Na my en jou as nie Jode!

Ek gaan nou nie in op hoe die verkiesing van die Jode deel is van God se plan nie. Ek verstaan dit ook nie alles nie, maar hierdie boodskap het my geraak. Sluit aan by bg. gebed.

Nou word vertel van genesing van baie siekes. Ons verstaan nou dat dit gedoen was aan Jode en baie min aan ander. Die koninkryk kom hierdeur. Verlamdes loop ens. 

Toe ook die tweede vermeerdering van die voedsel na drie dae se honger. Ook hier het Jesus die mense “innig jammer gekry”. 

Die boodskap is ook: Wat het julle? God se wiskunde werk so: Die bietjie wat ek het en deel plus Jesus = Genoeg + 7 mandjies vol wat oorbly. Ons moet dus nie net sit met ‘n gevoel van onvermoë en onkundigheid nie. Die grootste bydraes is dikwels nie materieël nie.