Ons kamp by Nacuculu
Die eerste indruk is dat daar sterk leierskap is wat op eie kerk verstaan funksioneer. Om by IRM in te skakel gaan 'n tydjie vat. Een man is ds alhoewel hy nie opleiding het nie.
Hier is byeen 4 verskillende kerkies en ookleiers van 4 verskillende denominasies. "Hervormde Baptiste" en sulke vreemde name. Onder almal is hier 'n sterk ontvanklike gesindheid.
In die ds se inleiding word Jakob se worsteling met God op ons toegepas. Hulle gaan ons nie los voordat ons hulle seën nie.
Die middag wat ons hier aanland word ek uit die bloute gevra om 'n uur aanbieding te doen. Jesaja se roeping is gebruik om perspektief op kerk wees te plaas. Op die grond val, aangeraak word met kool vuur en dan wie sal ek stuur!
Namiddag word sokker gespeel. Giepie en Dirk was doel wagters. More oggend gaan ek praat oor hoe 'n gemeente God se wil soek en hoe om besluite te neem daarvolgens, veral as daar verskille is. Hoe om in gebed te worstel vir Sy leiding. Hoe om te strewe om eie wil ondergeskik te maak daaraan. Wil graag die Skeba broers as voorbeeld gebruik waar hulle soos Paulus duiwels wou uitdryf. Die duiwels ken Jesus en ken Paulus, maar julle, wie is julle?
Die grond voel vrugbaar en ons bly bid om die wonderlike geleenthede uit afhanklikheid van God, goed te gebruik.
Geen opmerkings nie:
Plaas 'n opmerking